Xabarıńız bar, Ózbekstan Respublikası Prezidentiniń 2021-jıl 19-maydaǵı PQ-5117-sanlı qararına muwapıq 2022-2023-oqıw jılınan baslap joqarı bilimlendiriwden keyingi bilimlendiriw qánigeliklerine ótkeriletuǵın tańlawlarda milliy yamasa oǵan sáykes dárejedegi xalıqaralıq sertifikatqa iye adamlar qatnasıwı tártibi engizilgen edi.

Ózbekstan Respublikası Innovaciyalıq rawajlanıw ministrliginiń 2022-jıl 15-noyabrdegi tiyisli xatına muwapıq joqarı bilimlendiriwden keyingi bilimlendiriw qánigeliklerine tek ǵana milliy yamasa oǵan sáykes dárejedegi xalıqaralıq sertifikatqa iye bolǵan talabanlardıń hújjeti qabıl etiliwi, sonday-aq, sertifikatı bolmaǵan talabanlar kiriw imtixanlarına qatnaspaytuǵınlıǵı belgilendi.

Usı tapsırmalardan kelip shıǵıp, shet tillerin biliw dárejesine qaramastan, milliy yamasa oǵan sáykes dárejedegi xalıqaralıq sertifikat alǵan talabanlar doktoranturaǵa kiriw ushın ótkeriletuǵın tańlawda qatnasa alatuǵınlıǵın málim etemiz.

Maǵlıwmat ornında atap ótiw kerek, milliy yamasa oǵan sáykes dárejedegi xalıqaralıq sertifikat alıw ushın talabanlar eki kún ishinde my.gov.uz portalı arqalı dizimnen ótip, tiyisli tólemlerdi tólep, sınaqlarǵa qatnasıwı hám shet tilin biliw dárejesi haqqındaǵı sertifikattı alıwı múmkin.

NMPI baspasóz xızmeti.