Ájiniyaz atındaǵı Nókis mámleketlik pedagogikalıq institutında 8-dekabr – Ózbekstan Respublikası Konstituciyası qabıl etilgen kún hám Bas nızamımızdıń 30 jıllıǵı múnásibeti menen barlıq fakultetler arasında «Siz Konstituciyanı bilesiz be?» atamasındaǵı jarıs bolıp ótti.

Jarısta studentler sálemnama, Konstituciyalıq huqıq boyınsha soraw-juwaplar, sonday-aq, saxnalıq kórinis sıyaqlı shártler boyınsha ózleriniń konstituciyalıq bilim hám kónlikpelerin, saxnalıq sheberliklerin kórsetiwge háreket etti.

Olardıń hár bir saxnalıq shıǵıwı, sorawlarǵa bergen juwapları tóreshiler quramı aǵzaları tárepinen ádil túrde bahalap barıldı.

Solay etip, jarıs juwmaǵında 3-orındı Túrkiy tiller fakultetiniń «Túrkiy tiller» komandası, 2-orındı Mektepke shekemgi tálim fakultetiniń «Femida» komandası, 1-orındı Tábiyǵıy pánler fakultetiniń «Femida» hám Shet tilleri fakultetiniń «Demokratlar» komandaları iyeledi.

Barlıq qatnasıwshılar, sıylı orın iyeleri hám jeńimpazlar institut rektoratı hám kásiplik awqamı komiteti tárepinen húrmet jarlıqları, diplom, sonday-aq, estelik sawǵaları menen sıylıqlandı.

NMPI baspasóz xızmeti.