Búgingi kúnde Ájiniyaz atındaǵı Nókis mámleketlik pedagogikalıq institutında bakalavriat tálim baǵdarları hám magistratura qánigeliklerinde 190 ǵa shamalas mayıplıǵı bolǵan studentler oqıp bilim almaqta. Olar bárqulla institut jámáátiniń itibarında.

Ózbekstan Respublikası Konstituciyasınıń 30 jıllıǵı, sonday-aq, 3-dekabr – Xalıqaralıq mayıplar kúni múnásibeti menen institutta oqıp atırǵan mayıplıǵı bolǵan studentlerge bayram sawǵası sıpatında bazalıq stipendiyanıń eki esesi muǵdarında qarjılay sıylıqlar tapsırıldı.

Ilajda institut rektorı B.Otemuratov qatnasıp, barlıq jıynalǵanlardı bayram menen qutlıqladı hám olardıń oqıwlarında tabıslar tiledi.

Sonday-aq, oqıwda, hár qıylı tańlawlar, jarıslarda ayrıqsha belsendilik kórsetip, kópshilikke órnek bolıp kiyatırǵan bir topar studentler de xoshametlenip, olarǵa húrmet jarlıqları tapsırıldı.

Óz gezeginde, studentler bunday itibar hám ǵamqorlıqlar ushın institut basshılarına, barlıq jámáát aǵzalarına minnetdarshılıq bildirdi.

NMPI baspasóz xızmeti.