Ózbekstan Respublikası Innovaciyalıq rawajlanıw ministriniń orınbasarı Sh.Turdiqulova basshılıǵındaǵı ministrliktiń juwapker qánigeleri Ájiniyaz atındaǵı Nókis mámleketlik pedagogikalıq institutına keldi.

Kafedra baslıqları, professor-oqıtıwshılar hám doktorantlar menen bolıp ótken ushırasıwda ministr orınbasarı Sh.Turdiqulova, ministrliktiń Insan kapitalın rawajlandırıw basqarmasınıń baslıǵı F.Qodirova, Ilimiy hám innovaciyalıq jumıslarǵa baylanıslı baǵdarlamalardı qáliplestiriw jáne monitoring etiw basqarmasınıń baslıǵı Sh.Otajonov, Insan kapitalın rawajlandırıw basqarmasınıń bas qánigesi N.Mirraximova, Aldınǵı texnologiyalar orayı direktorınıń orınbasarı D.Dalimova, sonday-aq, ministrliktiń Qaraqalpaqstan Respublikası aymaqlıq basqarması wákilleri tárepinen instituttıń ilimiy-innovaciyalıq potencialın bunnan bılay da arttırıw boyınsha ámelge asırılatuǵın jumıslar boyınsha sáwbetlesiwler ótkerildi.

Házirgi waqıtta institutta biologiya ilimleriniń kandidatı A.Ajiev tárepinen Aralboyı mashqalalarınıń ilimiy sheshimine baǵdarlanǵan ilimiy joybarlar milliy tańlawı sheńberinde ulıwma bahası 963 million sumlıq «Araldıń qurıǵan jerlerinde tábiyǵıy sharayatta hám introdukciyalanatuǵın Cenoglossum viridiflorum Pall.ex.Lehm. hám Malacocarpus crithmifolius (Retz) C.A. Meydiń agrotexnikasın islep shıǵıw» atamasındaǵı ámeliy joybarı ámelge asırılmaqta.

Ushırasıwda ilimiy-innovaciyalıq joybarlardı jetilistiriw máseleleri boyınsha orın alıp atırǵan mashqalalar, aldaǵı wazıypalar boyınsha pikir almasıldı.

NMPI baspasóz xızmeti.