Qıs máwsiminiń anomal suwıq keliwi hám sınawlı kúnlerine qaramastan Ájiniyaz atındaǵı Nókis mámleketlik pedagogikalıq institutı jámááti, sonıń ishinde, oqıw imaratlarınıń qáwipsizligi, suw, elektr hám jıllılıq energiyası menen támiyinleniwi, imaratlardıń, qorshaǵan ortalıqtıń tazalıǵı ushın juwapker bolǵan pidayı insanlardıń miynetlerin ayrıqsha atap ótiw orınlı.

Institutta dawam etip atırǵan «Mehir háreketi» hám «Sawaplı is» qayırqomlıq akciyaları sheńberinde usınday sharayatta úlken juwapkershilik hám pidayılıq úlgilerin kórsetip atırǵan texnik xızmetkerlerge minnetdarshılıq belgisi sıpatında institut rektoratı hám kásiplik awqamı komiteti tárepinen ıssı awqat shólkemlestirildi.

Muzıkalıq tálim baǵdarınıń talantlı studentleri atqarıwındaǵı yoshlı qosıqlar jıynalǵanlarǵa kóterińki keypiyat baǵıshladı.

Bul baǵdardaǵı jumıslar institut kóleminde dawam etedi.

NMPI baspasóz xızmeti.