Ájiniyaz atındaǵı Nókis mámleketlik pedagogikalıq institutı rektorı Bayrambay Otemuratov Ellikqala pedagogika fakultetinde bolıp, ol jerde studentler turaq jayında jasap atırǵan student-jaslar menen ushırastı.

Studentler menen sáwbetlesiw ótkerip, olardıń oqıwı, juwmaqlawshı imtixanlarınıń barısı, sonday-aq, jaslardıń mashqalaları, baslamaları haqqında pikirlesti.

Sonıń menen birge, házirgi waqıtta rekonstrukciya jumısları alıp barılıp atırǵan fakultettiń 1-sanlı studentler turaq jayındaǵı jumıslardı kózden ótkerdi.

150 orınǵa mólsherlengen bul studentler turaq jayında instituttıń byudjetten tıs qarjıları esabınan 3 milliard 41 million 247 mıń sum ajıratılıp, «Bostan suw qurılıs» JShJnıń sheber qurılısshıları tárepinen qurılıs-ońlaw jumısları qızǵın pátlerde dawam ettirilmekte.

Institut rektorı rekonstrukciya jumısların sapalı etip, óz waqtında juwmaqlaw boyınsha tiyisli tapsırmalar berdi.