Ájiniyaz atındaǵı Nókis mámleketlik pedagogikalıq institutı hám Qaraqalpaqstan Respublikası Xalıq bilimlendiriw ministrligi tárepinen tastıyıqlanǵan qospa qarar tiykarında ulıwma bilim beriw mektepleriniń pitkeriwshi klass oqıwshılarınıń arasında fizika páni boyınsha kóp basqıshlı pán olimpiadasınıń institut basqıshı bolıp ótti.

Oǵan dáslep rayonlıq, sońınan Qaraqalpaqstan Respublikası basqıshında joqarı nátiyjelerge erisken 10 oqıwshı qatnastı.

Pán olimpiadasınıń institut basqıshında belgilengen reje talaplarınan kelip shıǵıp ulıwma 100 ball toplaw imkaniyatın beretuǵın bir test hám bes jazba imtixan sorawları berildi.

Oqıwshılardıń nátiyjeleri instituttıń tájiriybeli professor-oqıtıwshıları tárepinen bahalandı.

Solay etip, fizika páni olimpiadasınıń institut basqıshında ulıwma 98 ball toplaǵan Qońırat rayonındaǵı 37-sanlı ulıwma orta bilim beriw mektebiniń 11-klass oqıwshısı O.Utegenov 1-orındı iyeledi.

2-orın Ámiwdárya rayonındaǵı 56-sanlı mekteptiń pitkeriwshisi F.Fayzullaevqa (95 ball), 3-orın Nókis rayonındaǵı 1-sanlı mekteptiń 11-klass oqıwshısı M.Kárimbaevqa (94 ball) nesip etti.

Jeńimpaz oqıwshılar haqqındaǵı maǵlıwmatlar Joqarı bilimlendiriwdi rawajlandırıw izertlewleri hám aldınǵı texnologiyalardı engiziw orayına usınıs beriledi.

NMPI baspasóz xızmeti.