Búgin, 11-may kúni Ájiniyaz atındaǵı Nókis mámleketlik pedagogikalıq institutı Pedagogika fakultetinde studentlerdiń ata-anaları ushın ashıq esikler kúni ilajı shólkemlestirildi.

Jámiyette sociallıq salamat ortalıqtı qáliplestiriw hám korrupciyaǵa qarsı gúresiw baǵdarında ámelge asırılıp atırǵan jumıslardı birgelikte dodalawǵa baǵıshlanǵan ilajda fakultet dekanı Shıńǵıs Saparov hám korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Palmurza Xojabekov sózge shıqtı.

Atap ótilgenindey, jámiyette korrupciyaǵa qarsı salamat ruwxıy ortalıqtı engiziw, adamlardı korrupciyaǵa baǵdarlaytuǵın jaǵdaylardı saplastırıw, bunda tálim-tárbiyaǵa joqarı dárejede dıqqat awdarıw házirgi waqıtta kópshilik mámleketler tárepinen korrupciyanıń aldın alıwda eń durıs jol dep bahalanbaqta.

Ilajda oqıw procesinde korrupciyalıq jaǵdaylardıń aldın alıwda ata-analar hám institut arasındaǵı tıǵız baylanıslardı ornatıw máselesinde pikir almasıldı.

NMPI baspasóz xızmeti.