Aldın xabar bergenimizdey, usı jıldıń 4-9-may kúnleri aralıǵında Ájiniyaz atındaǵı Nókis mámleketlik pedagogikalıq institutında voleybol boyınsha hayal-qızlar arasında XXX Ózbekstan chempionatınıń tórtinshi tur oyınları bolıp ótti.

Jarısta Qaraqalpaqstan Respublikası atınan qatnasqan Ájiniyaz atındaǵı Nókis mámleketlik pedagogikalıq institutı hayal-qızlar komandası joqarı nátiyjelerge eristi.

Ótkerilgen tórtinshi tur oyınları dawamında sport veteranı Azat Kazakov basshılıǵındaǵı voleybolshı qızlarımız «Zarbdor», «Tumaris», «Xorezm» komandalarına hesh qanday imkaniyat qaldırmay 3:0 esabında jeńgen bolsa, ázeliy qarsılasları Namangan mámleketlik universiteti hám Jizzaq mámleketlik pedagogikalıq universitetleri komandaların 3:2 esabında jeńip shıqtı.

Solay etip, ótkerilgen tur juwmaqları boyınsha NMPI komandası 1-orındı iyelep turıptı. Kelesi tur jarısları usı jıldıń iyun ayında Tashkent qalasında bolıp ótedi.

Jáne bir áhmiyetli tárepi, NMPI komandası aǵzaları N.Reyimbaeva, G.Nuranova, G.Qulımbetova hám A.Joldasbaevalar Ózbekstan saylandı komandası bas treneri Azat Kazakov basshılıǵında usı jıldıń 20-31-may kúnleri Nepal mámleketinde bolıp ótetuǵın Aziya Chellendj Kubogi jarısında qatnasadı.

Biz komandamız aǵzalarına aldaǵı jarıslarda áwmet tileymiz!

NMPI baspasóz xızmeti.