Ájiniyaz atındaǵı Nókis mámleketlik pedagogikalıq institutı Shet tilleri fakulteti rus tili hám ádebiyatı kafedrası tárepinen «Filologiya: teoriyadan ámeliyatqa shekem» atamasındaǵı II xalıqaralıq ilimiy-ámeliy konferenciyası shólkemlestirildi.

Konferenciyanıń ashılıw plenar májilinde ilimiy-izertlew hám pedagog kadrlardı qayta tayarlaw bólimi baslıǵı A.Allamuratov institut rektorınıń konferenciya qatnasıwshılarına jollaǵan qutlıqlawın oqıp berdi. Sonday-aq, fakultet dekanı I.Dilmanov hám Rossiya Federaciyası P.P.Semyonov-Tyan-Shanskiy atındaǵı Lipeck mámleketlik pedagogikalıq universitetiniń filologiya institutı direktorı T.Vasilevalar sózge shıǵıp, konferenciya jumısına tabıslar tiledi.

Ilajǵa mámleketimiz hám sırt ellerdiń jetekshi ilimpazları, sonıń menen birge, jas ilimpazlar, magistrant hám doktorantlar qatnastı.

Konferenciyanıń sekciyalıq májilisleri dawamında qatnasıwshılar zamanagóy filologiyanıń eń áhmiyetli hám aktual máselelerin birgelikte dodaladı.

Konferenciya óz jumısın 13-mayǵa shekem dawam ettiredi.

NMPI baspasóz xızmeti.