Ájiniyaz atındaǵı Nókis mámleketlik pedagogikalıq institutında oqıw jılı jazǵı semestri hám qabıllaw mapazındaǵı imtixanlardıń ashıq, ádil hám korrupciyasız ótkeriliwin támiyinlew maqsetinde qatnasatuǵın baqlawshılar ushın oqıw seminar-treningi bolıp ótti.

Seminar-trening instituttıń korrupciyaǵa qarsı gúresiw «Komplaens qadaǵalaw» sistemasın basqarıw bólimi tárepinen shólkemlestirildi.

Ilajdı ótkeriwden tiykarǵı maqset imtixanlardıń talap dárejesinde ótkeriliwin támiyinlewde baqlawshılardıń áhmiyeti, roli hám olardıń wazıypaların keńnen túsindiriw hám barlıq fakultetlerde ótkeriletuǵın imtixan processlerin baqlawshılar menen qamtıp alıw bolıp tabıladı.

Seminarǵa instituttıń korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Palmurza Xojabekov, oqıw-metodikalıq basqarması, bilimlendiriw sapasın qadaǵalaw bólimi juwapker xızmetkerleri, instituttıń jámiyetlik keńesi hám nuranıylar keńesi baslıǵı Qutlımurat Qochanov, jámiyetlik keńes aǵzaları, dekan orınbasarları, jaslar awqamı jetekshileri hám belsendi tyutorlar qatnastı.

Ilajda qatnasıwshılar menen birgelikte «Auditoriya baqlawshılarına kórsetpe»niń bántleri hám talapları dodalanıp, sońınan tastıyıqlandı.

Seminar pikir hám tájiriybe almasıwlar menen dawam etti.

Ilaj juwmaǵında imtixanlardı ashıq, ádil hám korrupciyasız ótkeriw boyınsha institut, fakultet basshıları hám baqlawshılardıń wazıypaları belgilep alındı.

NMPI baspasóz xızmeti.