Ájiniyaz atındaǵı Nókis mámleketlik pedagogikalıq institutında jaqınlasıp kiyatırǵan dóretiwshiler bayramı – 27-iyun – Baspasóz hám ǵalaba xabar quralları xızmetkerleri kúni múnásibeti menen «tórtinshi hákimiyat» wákillerine arnalǵan bayram keshesi shólkemlestirildi.

Ilajda institut rektorı Bayrambay Otemuratov mámleketimizde, sonıń ishinde, institutta ámelge asırılıp atırǵan keń kólemli reformalardıń ámeliy nátiyjelerin xalqımızǵa joqarı jurnalistlik sheberlik, qalıslıq hám ádillik principleri tiykarında keń túrde sáwlelendiriwge úles qosıp kiyatırǵan bir topar respublikalıq hám jergilikli ǵalaba xabar qurallarınıń wákilleri, jurnalistler, xabarshı korrespondentler, operatorlar hám blogerlerdi kásiplik bayramı menen qutlıqlap, jumıslarında tabıslar tiledi.

Bayram keshesinde tarawda belsendilik kórsetip kiyatırǵan dóretiwshi kásip iyelerine húrmet jarlıqları hám bayram sawǵaları tapsırıldı.

Jurnalistler hám ǵalaba xabar quralları wákilleri kórsetilip atırǵan bunday itibar ushın institut jámáátine minnetdarshılıǵın bildirdi.

Ilaj bayram dasturxanı átirapındaǵı óz ara sáwbetlesiw hám pikir almasıwlar menen dawam etti.

NMPI baspasóz xızmeti.