Búgin paytaxtımız Nókis qalasındaǵı Berdaq atındaǵı Qaraqalpaq mámleketlik akademiyalıq muzıkalı teatrında «27-iyun – Baspasóz hám ǵalaba xabar quralları xızmetkerleri kúni» múnásibeti menen bayram saltanatı bolıp ótti.

Onda Joqarǵı Keńes Baslıǵı Amanbay Orınbaev shıǵıp sóylep, búgingi bayram múnásibeti menen qutlıqladı.

Quwanıshlı tárepi, ilajda Qaraqalpaqstan Respublikası Joqarǵı Keńesi Prezidiumınıń qararına muwapıq Ájiniyaz atındaǵı Nókis mámleketlik pedagogikalıq institutı baspasóz xatkeri Islam Matekov «Watan pidayısı» kókirek belgisi menen sıylıqlandı.

Biz NMPI baspasóz xatkeri wazıypasın ádiwli túrde atqarıp kiyatırǵan Islam Matekovtı qızǵın qutlıqlay otırıp, dóretiwshilik jumıslarında tabıslar tileymiz!

Ájiniyaz atındaǵı Nókis mámleketlik pedagogikalıq institutı rektoratı hám miynet jámááti.