Ministrler Kabinetiniń «Joqarı oqıw orınlarınıń studentlerin turaq jay menen támiyinlew sistemasın jetilistiriw ilajları haqqında»ǵı 376-sanlı (14.08.2023-j) qararı qabıl etildi.

Qarar tiykarında, mámleketlik joqarı oqıw orınlarınıń studentlerin studentler turaq jayına ornalastırıw boyınsha mámleketlik xızmetler kórsetiwdiń hákimshilik reglamenti tastıyıqlandı.

Qararǵa bola, 2023-2024-oqıw jılında:

➖ 1-kurs studentleri ushın mámleketlik JOOlardıń studentler turaq jayına ornalasıw mámleketlik xızmetler orayları hám Birden-bir interaktiv mámleketlik xızmetler portalı (my.gov.uz) arqalı biypul elektron arza tapsırıw jolı menen ámelge asırıladı. Bunda arzalardı qabıllaw 20-avgusttan baslanadı.

Bunda studentler menen dúziletuǵın turaq jay ijara shártnamaları mámleketlik salıq xızmeti organlarında salıq tólewshiniń jeke kabineti arqalı aralıqtan turıp biometrikalıq identifikaciyalaw (Face-ID) texnologiyası arqalı onlayn tárizde esapqa qoyıladı.

➖ Joqarǵı kurs studentlerin turaq jayǵa ornalastırıw dástúriy tárizde ámelge asırıladı. Bunda studentler turaq jayına ornalasıw ushın arza JOO jataqxanalarına ornalastırıw komissiyasına tapsırıladı.

2024-2025-oqıw jılınan baslap barlıq kurs studentleri ushın mámleketlik JOOlardıń studentler turaq jayına ornalasıw tek ǵana Mámleketlik xızmetler orayları yamasa my.gov.uz arqalı elektron arza tapsırıw jolı menen ámelge asırıladı.

Studentler turaq jayına ornalasıw ushın arza tapsırıw 1-avgusttan baslap oqıw jılınıń sońına shekem dawam etedi.

NMPI baspasóz xızmeti.