NMPIde ekinshi qánigelikke qabıllaw ushın ótkeriletuǵın imtixanlardıń kestesi tastıyıqlandı
Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın ekinshi hám onnan keyingi joqarı bilimlendiriwge sırtqı hám keshki bilimlendiriw forması boyınsha qabıllaw ushın ótkeriletuǵın imtixanlardıń kestesi tastıyıqlandı.
Imtixanlar usı jıldıń 23-avgust kúni eki smenada:
1-smena – saat 08:30 da;
2-smena – saat 14:30 da bolıp ótedi.
Mánzil: NMPI Túrkiy tiller fakulteti imaratı.
Baǵdar: 26-kishi rayonı.
Geolokaciya: https://goo.gl/maps/j5vWYyh5YA4ggQFj7
Eskertiw: Talabanlar imtixan ótkeriletuǵın orınǵa pasportı (yamasa ID-kartası) menen imtixan baslanıw waqtınan keminde yarım saat burın kelip turıwı kerek. Belgilengen waqıttan keshikken talabanlar imtixanǵa kirgizilmeydi.
Talabanlardan kásiplik (dóretiwshilik) imtixanlar ótkeriletuǵın:
– súwretlew óneri hám injenerlik grafikası tálim baǵdarı boyınsha «Reńli súwret» páninen akvarel boyaw hám kistochkası;
– muzıkalıq tálim baǵdarı boyınsha «Saz atqarıwshılıǵı» páninen muzıkalıq ásbapların ózi menen alıp keliwi;
– sonday-aq, dene mádeniyatı tálim baǵdarı boyınsha imtixanǵa sport forması menen keliwi talap etiledi.
Test sınaqları eki pánnen 30 sorawdan, ulıwma 60 sorawdan ibarat bolıp, bunda 1-pánniń hár bir durıs juwabı ushın 3,1 ball, al 2-pánniń hár bir durıs juwabı ushın 2,1 balldan esaplanadı.
Test sınaqları hám kásiplik (dóretiwshilik) imtixanlarda toplaw múmkin bolǵan maksimal ball – 156 ball.
Esletip ótemiz, Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın ekinshi hám onnan keyingi joqarı bilimlendiriwge:
– sırtqı bilimlendiriw formasına ulıwma 16 tálim baǵdarı boyınsha tólemli kontrakt tiykarında 445 orın;
– keshki bilimlendiriw formasına ulıwma 4 tálim baǵdarı boyınsha tólemli kontrakt tiykarında 40 orın ajıratıldı.
💾NMPI ekinshi qánigelikke qabıllaw kvotası👇
NMPI baspasóz xızmeti.