Ájiniyaz atındaǵı Nókis mámleketlik pedagogikalıq institutı keńesiniń avgust ayı májilisi bolıp ótti.

Májiliste institut keńesi jumıslarınıń 2023-2024-oqıw jılı ushın kalendarlıq jobasın tastıyıqlaw hám keńes aǵzaları quramına ózgerisler kirgiziw, Ózbekstan Respublikası Ǵárezsizliginiń 32 jıllıǵına tayarlıq kóriw hám ótkeriw boyınsha ámelge asırılıp atırǵan jumıslar, kafedralardıń jańa 2023-2024-oqıw jılına tayarlıǵı, sonday-aq, aǵımdaǵı máseleler kórip shıǵıldı.

Sonıń menen birge, milliy ideya, ruwxıylıq tiykarları hám huqıq tálimi kafedrasınıń baslıǵı, docent Erkin Tilewov tárepinen «Jańa turmıs ushın, Jańa Ózbekstan ushın» súreni tiykarında ǵárezsizlik sabaqların shólkemlestiriw boyınsha bayanatı tıńlandı.

Májiliste doktorlıq dissertaciya jumısların tabıslı qorǵap shıqqan, sonday-aq, Joqarı attestaciyalıq komissiyası tárepinen docent, professor ilimiy ataqlarına múnásip dep tabılǵan professor-oqıtıwshılarǵa diplomlar tapsırıldı.

Májilis kún tártibindegi máseleler boyınsha tiyisli qararlar qabıl etildi.

NMPI baspasóz xızmeti.