Studentler qatarına qabıl etilgen hám studentler turaq jayı menen qamtıp alınbaǵan joqarı oqıw ornınan uzaqta jaylasqan aymaqlardan kelgen birinshi kurs studentlerine (turaqlı jasaw ornı basqa rayonda (qalada) bolǵan ijara tiykarında jasaytuǵın studentlerge), joqarı oqıw orınlarına usı maqsetlerge ajıratılǵan qarjılar sheńberinde sentyabr hám oktyabr ayları ushın ijara shártnamasın talap etpesten aylıq ijara tóleminiń bir bólegi tólep beriledi hám belgilengen tártipte ijara shártnamasın usınǵan studentlerge noyabr ayınan tólemler dawam ettiriledi.

Bul haqqında Ózbekstan Respublikası Ministrler Kabinetiniń 2021-jıl 24-sentyabrdegi 605-sanlı qararında atap ótilgen.

Qararǵa muwapıq, studentlerge aylıq ijara tóleminiń bir bólegi ijara shártnamasınıń summasına qaramastan Tashkent qalasında – bazalıq esaplaw muǵdarınıń bir esesi (330 mıń sum), basqa aymaqlarda – bazalıq esaplaw muǵdarınıń yarım esesi (165 mıń sum) muǵdarında tóleniwi belgilengen.

NMPI baspasóz xızmeti.