Usı jıldıń 25-30-sentyabr kúnleri aralıǵında Ájiniyaz atındaǵı Nókis mámleketlik pedagogikalıq institutında «Inno Week» innovaciyalıq ideyalar hám joybarlar hápteligi bolıp ótpekte.

Háptelik sheńberinde institut doktorantları, magistrantları hám student-jasları qatnasıwında innovaciyalıq ideyalar hám joybarlarǵa baylanıslı tańlaw ótkerilmekte.

Tańlawdıń ashılıw máresiminde Joqarı bilimlendiriw, ilim hám innovaciyalar ministrligi Qaraqalpaqstan Respublikası aymaqlıq basqarması Innovaciyalıq rawajlanıw sektorınıń baslıǵı E.Abdiǵániev, instituttıń ilimiy isler hám innovaciyalar boyınsha prorektorı R.Eshmuratov, ziyrek studentlerdiń ilimiy-izertlew jumısların shólkemlestiriw bólimi qánigeleri hám tóreshiler quramı aǵzaları sózge shıǵıp, barlıq qatnasıwshılarǵa áwmet tiledi.

Ilajdı ótkeriwden tiykarǵı maqset student-jaslardıń eń aldınǵı innovaciyalıq texnologiyalar, ónimler, joybarlar, biznestiń túrli baǵdarları ushın prototipleri jáne modellerin keń jámiyetshilikke tanıstırıw hám qollap-quwatlawdan ibarat.

Tańlaw juwmaqları boyınsha jeńimpazlar hám sıylı orın iyeleri anıqlanıp, qımbat bahalı sawǵalar menen sıylıqlanadı.

NMPI baspasóz xızmeti.