Ájiniyaz atındaǵı Nókis mámleketlik pedagogikalıq institutında oqıp atırǵan student-jaslardıń bos waqıtların mazmunlı ótkeriw, joqarı mánawiyatlı, erkin pikirleytuǵın jaslardı tárbiyalaw, olardıń intellektual oylaw qábiletin jetilistiriw hám qollap-quwatlaw maqsetinde fakultetler arasında «Rektor kubogi» ushın «Zakovat» intellektual turniri shólkemlestirilmekte.

Turnir 2023-jıldıń oktyabr, noyabr hám dekabr ayları dawamında ótkeriledi hám ulıwma 5 turdan ibarat boladı. Hár bir tur eki hápteden bir márte, hápteniń sárshembi kúni instituttıń úlken májilisler zalında ótkeriledi.

Bul turnirde hár bir fakultet atınan 2 komanda qatnasa aladı. Komanda quramı 6 adamnan aspawı hám 4 adamnan kem bolmawı tiyis.

Maǵlıwmat ornında atap ótiw kerek, «Rektor kubogi» turniriniń 1-tur oyını 2023-jıldıń 11-oktyabr kúni saat 12:00 de instituttıń úlken májilisler zalında ótkeriledi.