Xabarıńız bar, usı jıldıń 16-20-oktyabr kúnleri Samarqand qalasında BMSh Dúnya júzilik turizm shólkemi (UNWTO) Bas Assambleyasınıń tariyxıy 25-sessiyası bolıp ótti.

Xalıqaralıq ilajǵa Ájiniyaz atındaǵı Nókis mámleketlik pedagogikalıq institutı geografiyanı oqıtıw metodikası kafedrasınıń úlken oqıtıwshısı Nariman Ótenov qatnasıp qayttı.

«Grand Hall» zalında «The Foundation for Building Tourism» atamasında ótkerilgen globallıq bilimlendiriw forumında respublikamızdıń tiyisli taraw wákilleri hám sırt ellerden kelgen miymanlar bilimlendiriw tarawında turizmdi rawajlandırıw máselelerin dodaladı.

Ilaj sheńberinde Ózbekstan Respublikası Joqarı bilimlendiriw, ilim hám innovaciyalar ministrligi, Mektepke shekemgi hám mektep bilimlendiriw ministrligi wákilleri, sonday-aq, Dúnya júzilik turizm shólkemi basshısı Z.Pololikashvili hám basqa da sırt elli qánigeler qatnasıwında bilimlendiriw tarawındaǵı turizm hám innovaciyalar máseleleri boyınsha pikir almasıldı.

NMPI baspasóz xızmeti.