Búgin, 31-oktyabr kúni Ájiniyaz atındaǵı Nókis mámleketlik pedagogikalıq institutında kurash boyınsha «Ministr kubogi» sport jarısı bolıp ótti.

Erler arasında 66, 73 hám 81 kilogramm, sonday-aq, qızlar arasında 52, 57 hám 63 kilogramm salmaq kategoriyalarında ótkerilgen jarısta student-jaslar ózleriniń sport sheberlikleri hám tayarlıqların sınaqtan ótkerdi.

Jarısqa Dene mádeniyatı fakultetiniń tájiriybeli oqıtıwshıları tóreshilik etti.

Jarıstıń sıylıqlaw máresiminde institut sport klubı baslıǵınıń orınbasarı Atabay Erejepov shıǵıp sóylep, áyyemgi qádiriyatlarımız, atap aytqanda, mártlik, batırlıq, watan súyiwshilik, gumanizm ideyaların ózinde jámlegen milliy sport túrlerin ǵalabalastırıw, rawajlandırıw hám dúnyaǵa ele de keńnen tanıtıw boyınsha ámelge asırılıp atırǵan jumıslar haqqında atap ótti.

Jarısta jeńimpazlar hám sıylı orınlardı iyelegen studentler institut sport klubı tárepinen medal, diplom hám estelik sawǵaları menen sıylıqlandı.

Qızǵın bellesiwlerge bay ótken jarıs juwmaǵında Dene mádeniyatı fakulteti ulıwma komandalıq esapta jeńimpaz bolıp, kurash boyınsha «Ministr kubogi» jeńimpazı boldı.

NMPI baspasóz xızmeti.