Usı jıldıń 1-3-noyabr kúnleri aralıǵında Ájiniyaz atındaǵı Nókis mámleketlik pedagogikalıq institutında «Studentler ligası» sport jarısları sheńberinde fakultetler arasında mini futbol boyınsha jarıs bolıp ótti.

Jarısqa barlıq fakultetlerden komandalar qatnasıp, jeńimpazlıq ushın óz imkaniyatların sınap kórdi.

3-orın ushın bolǵan oyında Tariyx hám Tábiyǵıy pánler fakultetleriniń komandaları óz ara teń esapta oynadı. «Futbol lotoreyası»nda Tariyx fakulteti komandası jeńip shıqtı.

Al final oyınında ázeliy qarsılaslar – Dene mádeniyatı hám Fizika-matematika fakulteti komandaları óz ara ushırastı. Oǵada qızǵın gúreslerge bay bolǵan oyında bir ǵana gol jeńimpaz komandanı anıqlawǵa xızmet etti.

Solay etip:
1-orın – Dene mádeniyatı fakulteti;
2-orın – Fizika-matematika fakulteti;
3-orın – Tariyx fakulteti komandalarına nesip etti.

Jeńimpaz hám sıylı orın iyeleri institut sport klubı tárepinen sıylıqlandı.

NMPI baspasóz xızmeti.