Búgin, 17-noyabr kúni Buxara mámleketlik pedagogikalıq institutı rektorı, professor Bahodir Mamurov basshılıǵındaǵı institut jámááti Ájiniyaz atındaǵı Nókis mámleketlik pedagogikalıq institutına keldi.

Miymanlar dástúrimizge say saltanatlı túrde nan-duz benen kútip alındı.

Buxara mámleketlik pedagogikalıq institutı jámááti hám 100 den aslam belsendi studentleri Moynaq rayonında 3 kún dawamında «Jasıl mákan» ulıwma milliy joybarı sheńberinde aymaq klimatına iykemlesken mıń túp ósimlik hám terek nállerin otırǵızıwdı maqset etken.

Miymanlar institutta studentler ushın jaratılǵan sharayatlar, olardıń qolǵa kirgizgen tabısları, súwretlew hám qol óneri úlgileri menen tanısıp, joqarı baha berdi.

Institut sport zalında 17-noyabr – Xalıqaralıq studentler kúni múnásibeti menen eki joqarı oqıw ornı studentleri arasında stol tennisi hám shaxmat boyınsha doslıq jarısları shólkemlestirildi.

Sonday-aq, Nókis mámleketlik pedagogikalıq institutı hám Buxara mámleketlik pedagogikalıq institutı arasında eki tárepleme birge islesiw boyınsha memorandumǵa qol qoyıldı.

Instituttıń «Tumaris» xalıq ansambli, sonıń menen birge, buxaralı talantlı studentler atqarıwındaǵı koncert baǵdarlaması ilajǵa ózgeshe sán berdi.

Miymanlar ushın dasturxan jayılıp, óz ara gúrrińlesiw bir kese chay ústinde dawam etti.

NMPI baspasóz xızmeti.