Ájiniyaz atındaǵı Nókis mámleketlik pedagogikalıq institutında jas ilimpazlar hám mámleketlik stipendiyalar tańlawlarınıń jeńimpazlarınıń student-jaslar menen ushırasıwı bolıp ótti.

Ilajdı instituttıń ziyrek studentlerdiń ilimiy-izertlew jumısların shólkemlestiriw bólimi baslıǵı Q.Tashanov basqarıp bardı.

Ushırasıwda geografiya ilimleri boyınsha filosofiyadoktorı, jas ilimpaz Ómirbay Baltabaev, qaraqalpaq tili kafedrasınıń tayanısh doktorantı Gúlxan Nurlıbekova, Zulfiya atındaǵı mámleketlik sıylıqtıń laureatı, muzıkalıq tálim hám kórkem óner qánigeliginiń magistrantı Erkinay Orınbaeva hám Ózbekstan Respublikası Prezidenti mámleketlik stipendiyasınıń jeńimpazı, inglis tili qánigeliginiń magistrantı Islam Dilmanovlar sózge shıǵıp, mámleketimizde jaslardıń ilim menen shuǵıllanıwı ushın jaratılıp atırǵan sharayatlar hám imkaniyatlar haqqında maǵlıwmatlar berdi.

Sonıń menen birge, ózleriniń qolǵa kirgizgen tabısları haqqında aytıp, studentlerdiń sorawlarına juwaplar berdi.

NMPI baspasóz xızmeti.