Paytaxtımız Nókis qalasındaǵı Jaslar orayında Qaraqalpaqstan Respublikası Futbol Associaciyasınıń 2023-jıl juwmaqlarına arnalǵan sıylıqlaw ilajı bolıp ótti.

Ilajda respublikamızda futboldı rawajlandırıw, jarıslarda joqarı nátiyjelerdi qolǵa kirgiziwge óz úleslerin qosıp kiyatırǵan bir topar belsendiler xoshametlendi.

Áhmiyetlisi, saltanatlı ilajda Ájiniyaz atındaǵı Nókis mámleketlik pedagogikalıq institutı Dene mádeniyatı fakulteti sport pánleri kafedrasınıń aǵa oqıtıwshısı, «NMPI» futbol komandasınıń bas treneri Jamalatdin Bekmuratov «Qaraqalpaqstan XXX chempionatı: Jıldıń eń jaqsı treneri» nominaciyasınıń jeńimpazı dep tabıldı hám sıylıqlandı.

Esletip ótemiz, Ájiniyaz atındaǵı Nókis mámleketlik pedagogikalıq institutınıń «NMPI» komandası futbol boyınsha 30-Qaraqalpaqstan chempionatı Kushmag 2-ligasınıń gúmis medalı iyesi bolǵan edi.

NMPI baspasóz xızmeti.