Ájiniyaz atındaǵı Nókis mámleketlik pedagogikalıq institutı studentlerdi turaq jay menen támiyinlew jumısların muwapıqlastırıw bólimi juwapkerleri, tyutorlar sonday-aq, Qaraqalpaqstan Respublikası Ayrıqsha jaǵdaylar basqarmasınıń tiyisli qánigeleri qatnasıwında ijara úylerinde jasaytuǵın studentlerdiń jasaw orınlarında úyreniw jumısları alıp barılmaqta.

Qıs máwsiminde tábiyiy gazge bolǵan talaptıń artıwı menen xalqımız arasında órt qáwipsizligi hám záhárli gazden zıyanlanıw menen menen baylanıslı jaǵdaylar ushırasıp turadı.

Bul máwsimde, ásirese, ijara úylerinde jasap atırǵan studentlerdiń qáwipsizligin támiyinlew búgingi kúnniń áhmiyetli máseleleriniń biri bolıp tabıladı.

Úyreniw jumısları barısında ijara úylerindegi órt qáwipsizligi qaǵıydalarına ámel etiliwi, sonıń ishinde, záhárli gazden zıyanlanıw hám bunıń aqıbetinde júzege keletuǵın kewilsiz jaǵdaylardıń aldın alıw boyınsha túsinik jumısları alıp barıldı. Anıqlanǵan kemshiliklerdi saplastırıw boyınsha juwapkerlerge tiyisli tapsırmalar berildi.

Usı baǵdardaǵı jumıslar dawam etpekte.

NMPI baspasóz xızmeti.