Ájiniyaz atındaǵı Nókis mámleketlik pedagogikalıq institutınıń 2-sanlı studentler turaq jayında «Shashlik Day» ilajı bolıp ótti.

Studentler arasında awızbirshilikti kúsheytiw, olardıń bos waqıtların mazmunlı ótkeriw hám kewilashar ilajlardı shólkemlestiriw sheńberinde ótkerilgen ilajda jaslar birgelikte shashlık tayarlap, taǵam tayarlaw sebebinde tyutorlar, pedagog-tárbiyashılar hám jaslar tárbiyasına juwapker qánigeler menen gúlxan átirapında sáwbet qurdı.

– Bunday ilajlardıń ótkeriliwi jaslar menen ele de jaqın bolıp, olardıń pikir-usınısların tıńlap, mashqalaların sheshiw, baslamaların qollap-quwatlaw ushın tiykar jaratadı, – deydi Pedagogika fakulteti dekanınıń orınbasarı J.Sultamuratov.

NMPI baspasóz xızmeti.