Aldın xabar bergenimizdey, búgin, 1-fevral kúni Ájiniyaz atındaǵı Nókis mámleketlik pedagogikalıq institutınıń sport zalında «Studentler ligası» sport jarıslarınıń Qaraqalpaqstan Respublikalıq basqıshına start berildi.

Jarıs kestesine muwapıq, búgin basketbol boyınsha student-qızlardan dúzilgen komandalar arasında jarıs ótkerildi.

Qızǵın ruwxta ótken jarıs juwmaǵında:

1-orındı – Berdaq atındaǵı Qaraqalpaq mámleketlik universiteti;
2-orındı – Ájiniyaz atındaǵı Nókis mámleketlik pedagogikalıq institutı;
3-orındı – Ózbekstan mámleketlik denetárbiya hám sport universiteti Nókis filialı qızlar komanları iyeledi.

Esletip ótemiz, jarıstıń saltanatlı ashılıw máresimi 2-fevral kúni bolıp ótedi.

NMPI baspasóz xızmeti.