Ájiniyaz atındaǵı Nókis mámleketlik pedagogikalıq institutında student qızlar arasında salamat turmıs tárizin úgit-násiyatlaw hám bos waqıtların mazmunlı ótkeriw maqsetinde sport hám háreketli oyınlar estafetası jarısları shólkemlestirildi.

Estafeta jarısı belgilengen tosıqlardan aylanıp ótip, basketbol aylanasına toptı túsiriw, «Kartoshka egiw» estafetası hám arqan tartısıw sıyaqlı shártlerden ibarat bolıp, oǵan barlıq fakultetlerden hám magistratura bóliminen komandalar qatnastı.

Jarıstı tájiriybeli professor-oqıtıwshılardan quralǵan tóreshiler quramı bahalap bardı.

Qızǵın bellesiwler menen dawam etken jarıs juwmaǵında:

1-orındı – Mektepke shekemgi tálim;
2-orındı – Dene mádeniyatı;
3-orındı – Baslawısh tálim fakultetleriniń komandaları iyeledi.

Jeńimpazlar hám sıylı orın iyeleri institut sport klubı tárepinen sıylıqlandı.

NMPI baspasóz xızmeti.