Búgin, 14-fevral kúni Ájiniyaz atındaǵı Nókis mámleketlik pedagogikalıq institutında «Student-jaslardı watan súyiwshilik ruwxında tárbiyalaw hám olardıń huqıqıy mádeniyatın jetilistiriw» atamasında tiyisli taraw qánigeleri menen ushırasıw hám úgit-násiyat ilajı bolıp ótti.

Ilajdı institut rektorı wazıypasın waqıtsha atqarıwshısı Quvondiq Qodirov basqarıp bardı.

Ushırasıwǵa Ózbekstan Respublikası Strategiyalıq analiz hám perspektivanı belgilew joqarı mektebiniń kafedra baslıǵı B.Xojanov hám usı kafedranıń oqıtıwshısı O.Turaev, institutta jaslar tálim-tárbiyasına juwapker qánigeler hám student-jaslar qatnastı.

Ilajda sózge shıqqanlar búgingidey globallasıw dáwirinde jaslar tárbiyasınıń áhmiyetli máseleleri, atap aytqanda, «ǵalabalıq mádeniyat», túrli zıyanlı illetlerdiń aldın alıw, olar arasında jat illetlerge qarsı ideologiyalıq immunitetti qáliplestiriw hám bekkemlew, huqıqıy mádeniyatın jetilistiriw, Úshinshi Renessans tiykarın jaratatuǵın jaslardı watanǵa muhabbat hám sadıqlıq ruwxında tárbiyalaw sıyaqlı máseleler boyınsha ámelge asırılıp atırǵan jumıslar haqqında maǵlıwmatlar berdi.

Ilaj soraw-juwaplar hám pikir almasıwlar menen dawam etti.

NMPI baspasóz xızmeti.