Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidenti janındaǵı Mámleketlik xızmetti rawajlandırıw agentligi Qaraqalpaqstan Respublikası filialı hám birge islesiwshi shólkemler tárepinen mámleketimizde perspektivalı kadrlar rezervine kirgizilgen talabanlardıń bilim hám kónlikpelerin arttırıwǵa baǵdarlanǵan oqıw-seminarı bolıp ótpekte.

Ilajdı Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev ashıp berdi hám qatnasıwshılarǵa oqıw-seminarı dawamında beriletuǵın bilim hám kónlikpelerdi ámeliyatqa engiziw boyınsha tiyisli tapsırmalar berdi.

Sonday-aq, filial baslıǵı A.Reyimbaev sózge shıǵıp, oqıw-seminarınan kútiletuǵın nátiyjeler haqqında atap ótti.

Ilajda tiyisli taraw qánigeleri tárepinen qatnasıwshılar ushın seminar-treningler ótkerildi.

Oqıw-seminarı dawam etpekte.

NMPI baspasóz xızmeti.