Ájiniyaz atındaǵı Nókis mámleketlik pedagogikalıq institutı málimleme-resurs orayı shólkemlestiriwinde Prezidentimiz tárepinen alǵa súrilgen «Bes baslama» tiykarında jaslarımızdıń bilim alıw kónlikpelerin arttırıw, olardıń qábiletlerin hár tárepleme rawajlandırıw, qollap-quwatlaw jáne kitapqumarlıqtı úgit-násiyatlaw maqsetinde student-jaslar arasında «Kitapqumar kewilliler» atamasındaǵı aǵartıwshılıq ilajı ótkerildi.

Ilajǵa kitapqumarlıqtı úgit-násiyatlawǵa óz úlesin qosıw niyetinde bolǵan kitapqumar jaslar qatnastı.

Qatnasıwshılar «Kitap – ruwxıy dúnyamız aynası» atamasında kitap hám kitaptıń ómirdegi tutqan ornı haqqında prezentaciya, «Áke – sayalı bayterek», «Muqaddes dárgayım – Kábamsań, Ana», «Baxtımnıń saǵası – mehriban Watan» atamalarında ata-ananı húrmetlew, Watandı ulıǵlaw, jaslarda maqtanısh sezimlerin oyatıw, sap tuyǵılar menen tereń jetkerip beriw, «Kitap penen dúnya ashılar» atamasındaǵı saxnalıq kórinis sıyaqlı shártler boyınsha óz tayarlıqların kórsetiwge háreket etti.

Ilaj juwmaǵında belsendi qatnasıwshılar institut rektoratı, kásiplik awqamı komiteti hám málimleme-resurs orayı tárepinen húrmet jarlıqları hám sawǵalar menen sıylıqlandı.

NMPI baspasóz xızmeti.