Ájiniyaz atındaǵı Nókis mámleketlik pedagogikalıq institutında jaslardı milliy qádiriyatlarǵa húrmet ruwxında tárbiyalaw hám olar arasında milliyligimizdi úgit-násiyatlaw maqsetinde hápteniń hár juma kúnin milliy kiyimler kúni sıpatında belgilew jobalastırılmaqta.

Usı kúni student-jaslar xalqımızdıń milliy kiyim-kensheklerin kiyip keliwi, olardıń ózgeshelikleri haqqında bir-birine maǵlıwmatlar berip, úgit-násiyatqa ózleriniń úleslerin qosıwı usınıs etiledi.

Barlıq student-jaslardı ata-babalarımızdan miyras bolıp kiyatırǵan milliy qádiriyatlarımızdı birgelikte úgit-násiyat etiwge shaqıramız!