Ózbekstan jaslar awqamı Qaraqalpaqstan Respublikalıq Keńesi baslaması menen «Vatanparvar» shólkemi, Qurallı Kúshler sistemasındaǵı ministrlik, basqarma hám bólimler menen birgelikte respublikamızdaǵı joqarı oqıw orınlarındaǵı «Qalqan» jámiyetshilik toparları arasında «Turan batırları» áskeriy-sport jarısı shólkemlestirildi.

Jarısta respublikamızdaǵı 9 joqarı oqıw ornı qatarında Ájiniyaz atındaǵı Nókis mámleketlik pedagogikalıq institutı «Qalqan» toparı aǵzaları da belsene qatnastı.

Qatnasıwshılar áskeriy estafeta, turnikte tartılıw, «AK-74» quralın bóleklerge bóliw hám jıynaw, oqjaydan hám pnevmatikalıq mıltıqtan oq atıw sıyaqlı shártler boyınsha ózleriniń tayarlıqların sınaqtan ótkerdi.

Jarıs juwmaǵında Ájiniyaz atındaǵı Nókis mámleketlik pedagogikalıq institutı «Qalqan» toparı sıylı 2-orındı iyeledi hám shólkemlestiriwshiler tárepinen sıylıqlandı.

NMPI baspasóz xızmeti.