Ájiniyaz atındaǵı Nókis mámleketlik pedagogikalıq institutında ulıstıń ullı kúni, shıǵıs xalıqlarınıń jańa jıl bası – Nawrız ulıwma xalıqlıq bayramı múnásibeti menen shólkemlestirilgen «Álem nurǵa tolsın seniń menen, Nawrız!» atamasındaǵı bayram seyili sheńberinde milliy sport oyınları boyınsha birqatar jarıslar bolıp ótti.

Fakultetlerde oqıp atırǵan studentler ata-babalarımızdan miyras bolıp kiyatırǵan milliy gúres, tas kóteriw, arqan tartısıw, qol gúresi hám basqa da sport túrleri boyınsha ózleriniń imkaniyatların sınaqtan ótkerdi.

Dene mádeniyatı fakultetiniń tájiriybeli trener-oqıtıwshıları jaslardıń jarıslardaǵı qatnasıwın bahalap bardı.

Jarıs juwmaǵında jeńimpazlar hám sıylı orın iyeleri instituttıń kásiplik awqamı komiteti hám sport klubı tárepinen bayram sawǵaları menen sıylıqlandı.

NMPI baspasóz xızmeti.