Ájiniyaz atındaǵı Nókis mámleketlik pedagogikalıq institutı zalında Ózbekstan jaslar awqamı Qaraqalpaqstan Respublikalıq Keńesi baslaması tiykarında «Zakovat» mámleketlik emes kommerciyalıq emes shólkemi Qaraqalpaqstan klubı menen birgelikte respublikamızdaǵı joqarı oqıw orınlarınıń Jaslar awqamı baslanǵısh shólkemleriniń koordinatorları arasında «Zakovat QUIZ» intellektual oyını shólkemlestirildi.

Jaslardıń iyelegen bilim hám kónlikpeleri, logikalıq oylaw dárejesin sınaqtan ótkeriwge baǵdarlanǵan oyın oǵada qızǵın túrde ótti.

Intellektual oyın juwmaǵında Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi koordinatorlarınan dúzilgen komanda 1-orındı iyeledi hám jeńimpaz boldı.

2-orın Berdaq atındaǵı Qaraqalpaq mámleketlik universiteti, al 3-orın Qaraqalpaqstan awıl xojalıǵı hám agrotexnologiyalar institutı koordinatorlarına nesip etti.

Jeńimpazlar hám sıylı orın iyeleri shólkemlestiriwshiler tárepinen diplom hám sawǵalar menen sıylıqlandı.