Usı jıldıń 4-aprel kúni Tashkent qalasında Ózbekstan Respublikası Joqarı bilimlendiriw, ilim hám innovaciyalar ministrliginde «Ilimpaz hayallar» ilimiy joybarlar tańlawı nátiyjeleri boyınsha sıylıqlaw máresimi bolıp ótti. Ilajda qarjılandırıwǵa usınılǵan 68 ilimpaz hayal sıylıqlandı.

Quwanıshlısı, onda Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakulteti mektepke shekemgi tárbiya hám defektologiya kafedrasınıń baslıǵı Aynagúl Bekimbetovanıń «Mektepke shekemgi bilimlendiriw shólkemlerinde 3-7 jastaǵı balalar ushın qaraqalpaq xalıq ertekleri hám balalar qosıqları tiykarında multimedialı texnologiyalardı jaratıw hám paydalanıw (Qaraqalpaqstan Respublikası MShBSh mısalında)» atamasındaǵı joybarı jeńimpazlar qatarında sıylıqlandı.

Institut rektoratı hám miynet jámááti Aynagúl Amangeldievnanı qolǵa kirgizgen tabısları menen qutlıqlaydı!

NMPI baspasóz xızmeti.