Ájiniyaz atındaǵı Nókis mamleketlik pedagogikalıq institutı mektepke shekemgi tálim kafedrası tárepinen «Zamanagóy mektepke shekemgi bilimlendiriw: tájiriybe, mashqalalar, rawajlanıw perspektivaları» atamasındaǵı xalıqaralıq ilimiy-ámeliy konferenciyası ótkerildi.

Konferenciya kafedra professor-oqıtıwshılarınıń ilimiy miynetleri hám student-jaslardıń dógerek jumısları hám ámeliyat barısında islegen qol miyneti úlgileriniń kórgizbesi menen baslandı.

Ilajdı instituttıń ilimiy isler hám innovaciyalar boyınsha prorektorı R.Eshmuratov kiris sózi menen ashıp berdi hám konferenciya jumıslarına tabıslar tiledi.

Konferenciyada Qazaq milliy pedagogikalıq universiteti, Kuban mámleketlik universiteti, Chjeczyan biznes texnologiyaları universiteti, Qazan fedaral universiteti hám respublikamızdaǵı jetekshi joqarı oqıw orınları hám ilimiy oraylarınan professorlar, ilimpazlar, doktorantlar, magistrantlar óz bayanatları menen qatnastı.

Ózbekstan Respublikası Prezidentiniń «Mektepke shekemgi bilimlendiriw sistemasın 2030-jılǵa shekem rawajlandırıw koncepciyası haqqında»ǵı qararı tiykarında shólkemlestirilgen konferenciyada tarawdaǵı áhmiyetli máseleler hám mashqalalar dodalanıp, óz ara pikir almasıldı.

Konferenciya óz jumısın sekciyalarda dawam ettirdi.

NMPI baspasóz xızmeti.