Ájiniyaz atındaǵı Nókis mámleketlik pedagogikalıq institutı málimleme-resurs orayı tárepinen IV Respublikalıq kitapqumarlıq hápteligi sheńberinde student-jaslar arasında usı jıldıń 23-aprel kúni saat 14:00 de «Biziń maqtanıshımız» atamasındaǵı tańlaw ótkeriletuǵınlıǵın xabarlaymız.

Elimizdiń tariyxı, búgingi kúnin úyreniw, milliy dástúr hám úrp-ádetlerdi úgit-násiyatlaw, elimizdiń pidayı azamatların jaslarǵa tanıstırıw, ómir jolların úlgi etip kórsetiw maqsetinde shólkemlestirilip atırǵan tańlawda qatnasıwshılar «Meniń úlkem» hám «Elimizdiń ájayıp adamları», «Oqıń, usınıs etemiz!» atamalarındaǵı shártler tiykarında tayarlaǵan prezentaciyaların kórsetip beredi.

Bir qatnasıwshı barlıq shártlerge de qatnasıwı múmkin boladı.

Tańlaw juwmaǵında jeńimpazlar hám sıylı orın iyeleri málimleme-resurs orayı tárepinen sıylıqlanadı.

Barlıq kitapqumar studentlerdi tańlawda kútemiz!

Ótkeriliw ornı: NMPI 4-sanlı oqıw imaratı;
Waqtı: 23-aprel saat 14:00.

Qosımsha maǵlıwmat ushın telefon:
+998 91 303 52 09

NMPI málimleme-resurs orayı.