Usı jıldıń 25-26-aprel kúnleri Ájiniyaz atındaǵı Nókis mámleketlik pedagogikalıq institutında «Ózbekstan – ulıwma úyimiz!» atamasındaǵı xalıqlar doslıǵın jırlawǵa baǵıshlanǵan festival bolıp ótedi.

Festival sheńberinde institutta awızbirshilikte, tatıwlıqta hám doslıq qatnasıqlarında oqıp bilim alıp atırǵan 11 millet wákilleri esaplanǵan studentlerdiń, sonday-aq, elimizde jumıs alıp barıp atırǵan milliy-mádeniy oraylardıń milliy kórgizbeleri, úrp-ádetleri, dástúrleri, milliy qosıqları, ayaq-oyınları ilaj qatnasıwshılarınıń dıqqatına usınılıwı jobalastırılǵan.

Doslıq festivalına bársheńizdi mirát etemiz!

Mánzil: Nókis qalası, P.Seytov kóshesi NMPI 4-sanlı oqıw imaratı;
Waqtı: 2024-jıl 25-26-aprel kúnleri saat 10:00.

Ájiniyaz atındaǵı Nókis mámleketlik pedagogikalıq institutı rektoratı hám miynet jámááti.