Ájiniyaz atındaǵı Nókis mámleketlik pedagogikalıq institutında student-jaslar arasında kitapqumarlıq mádeniyatın úgit-násiyatlaw, kórkem sawatlılıq dárejesin arttırıw arqalı olardı watanǵa muhabbat hám onıń jarqın keleshegin támiyinlew ruwxında tárbiyalaw maqsetinde usı jıldıń 29-aprel kúni «Máripat taratıp» joybarı shólkemlestirilmekte.

Joybar sheńberinde Ózbekstan hám Qaraqalpaqstan xalıq jazıwshısı Orazbay Ábdiraxmanov, Ózbekstan Respublikasına xızmet kórsetken mádeniyat xızmetkeri, Qaraqalpaqstan xalıq shayırı Rustam Musurman, Ózbekstan Respublikasına xızmet kórsetken mádeniyat xızmetkeri, «Shuhrat» medalı iyesi, belgili shayır Baxtiyar Genjemuratovlardıń jaslar menen ushırasıwı ótkeriliwi belgilengen.

«Máripat taratıp» joybarında institutta dóretiwshi ustazlar menen birgelikte hár qıylı ruwxıy-aǵartıwshılıq ilajların ótkeriw jobalastırılǵan.

Solay eken, institutımızdıń barlıq jasların usı joybarǵa belsene qatnasıwǵa shaqıramız.

NMPI baspasóz xızmeti.