Usı jıldıń 24-28-may kúnleri Namangan, Nawayı wálayatları hám Tashkent qalasında jaylasqan sport maydanlarında joqarı oqıw orınlarınıń komandaları arasında «Studentler ligası» sport jarıslarınıń respublikalıq final basqıshları bolıp ótedi.

Studentler sporttıń voleybol, stol tennisi, futzal, basketbol, shaxmat túrleri boyınsha jarısqa túsedi.

Ájiniyaz atındaǵı Nókis mámleketlik pedagogikalıq institutınıń voleybol boyınsha qızlar komandası hám stol tennisi boyınsha er-jigitler komandası aǵzaları jarıstıń respublikalıq final basqıshına qatnasıw ushın Namangan wálayatına jónep ketti.

Maǵlıwmat ornında atap ótiw kerek, «Studentler ligası» sport jarıslarınıń respublikalıq final basqıshlarınıń jeńimpazları hám sıylı orın iyelerin saltanatlı sıylıqlaw máresimi 28-may kúni Tashkent qalasında ótkeriledi.

Institutımız komandası aǵzalarına jarısta áwmet tileymiz.

NMPI baspasóz xızmeti.