Ájiniyaz atındaǵı Nókis mámleketlik pedagogikalıq institutı marketing hám studentler ámeliyatı bólimi tárepinen mámleketlik grant tiykarında oqıp atırǵan bıyılǵı oqıw jılında instituttı pitkerip shıǵatuǵın studentler qatnasıwında ushırasıw shólkemlestirildi.

Ushırasıwda marketing hám studentler ámeliyatı bóliminiń baslıǵı Polat Xojaniyazov sózge shıǵıp, 2023-2024-oqıw jılında instituttı ulıwma 3 854 student, sonnan bakalavriattıń kúndizgi tálim baǵdarları boyınsha 2 576 (563 mámleketlik grant, 2013 tólemli kontrakt), sırtqı tálim baǵdarları boyınsha 1 259 student (13 mámleketlik grant, 1 246 tólemli kontrakt), magistratura qánigelikleri boyınsha 19 (12 mámleketlik grant, 7 tólemli kontrakt) magistrant pitkeriwi kútilip atırǵanın atap ótti.

Sonıń menen birge, institutta pitkeriwshilerdi jumıs penen támiyinlew maqsetinde ámelge asırılıp atırǵan jumıslardıń nátiyjeleri haqqında maǵlıwmat berdi.

Ilajda Nókis qalası «Jumısqa márhamat» mono orayınıń juwapkerleri hám basqa tiyisli mákemelerdiń qánigeleri shıǵıp sóylep, pitkeriwshiler menen úsh tárepleme, tórt tárepleme dúziletuǵın shártnamalar, sonday-aq, jumıs beriwshi hám islewshi ortasında dúziletuǵın shártnamalarda dıqqat qaratatuǵın tárepler, nızamshılıqtaǵı sońǵı ózgerisler haqqında pitkeriwshilerge maǵlıwmatlar berip ótti.

NMPI baspasóz xızmeti.