Házirgi waqıtta mámleketimizde shet tillerin jaqsı meńgergen jetik qánigelerge bolǵan talap artıp barmaqta. Shet tillerin úyreniw dáwir talabına aylandı. Hár tárepleme jetik, óz kásibin jaqsı biletuǵın, zamanagóy talaplarǵa juwap beretuǵın kadrlardı tayarlaw maqsetinde barlıq oqıw orınlarında milliy hám shet tilleri boyınsha sertifikatlarǵa iye bolǵan oqıtıwshılar menen oqıwshılar da hár tárepleme qollap-quwatlanbaqta.

Ájiniyaz atındaǵı Nókis mámleketlik pedagogikalıq institutı akademiyalıq liceyinde búgingi kúnde 55 ten aslam oqıtıwshılar jumıs islep atırǵan bolsa, sonnan 39 oqıtıwshı milliy hám xalıqaralıq dárejedegi sertifikatqa iye.

Sonday-aq, 2023-2024-oqıw jılında 100 den aslam oqıwshı-jaslar milliy hám shet tili boyınsha xalıqaralıq sertifikatlardı alıwǵa eristi.

Álbette, bunday nátiyjelerge erisiwde liceyde jaratılǵan sharayatlar hám imkaniyatlardıń ornı ayrıqsha esaplanadı.