Aldın xabar bergenimizdey, Ájiniyaz atındaǵı Nókis mámleketlik pedagogikalıq institutı Pedagogika fakulteti muzıkalıq tálim baǵdarınıń «Sıy perde» duwtarshılar ansambli «Aziya juldızları» Birinshi xalıqaralıq tańlawında baqsıshılıq baǵdarı boyınsha 1-orındı iyelep, jeńimpaz bolǵan edi.

Institut rektorı wazıypasın waqıtsha atqarıwshısı Quvondiq Qodirov ansambl aǵzaların qutlıqladı. Xalıqaralıq tańlaw jeńimpazı bolǵan ansambl aǵzalarına jiberilgen diplom hám medal saltanatlı túrde tapsırıldı.

Maǵlıwmat ornında atap ótiw orınlı, «New Talents» xalıqaralıq shólkemi tárepinen birinshi márte onlayn formatta ótkerilgen tańlaw fortepiano, tarlı, demli hám urıp shertiletuǵın saz ásbapları, estrada, akademiyalıq, dástúriy atqarıwshılıq, baqsıshılıq, xoreografiya sıyaqlı birneshe baǵdarlardan ibarat boldı hám oǵan Ispaniya, Túrkiya, Ázerbayjan hám respublikamızdan 200 ge shamalas talant iyeleri qatnastı.

NMPI baspasóz xızmeti.