Búgin, 1-iyul kúni Ózbekstan Respublikası Joqarı bilimlendiriw, ilim hám innovaciyalar ministriniń birinshi orınbasarı Shohrux Daliyev Ájiniyaz atındaǵı Nókis mámleketlik pedagogikalıq institutına keldi.

Xızmet saparı sheńberinde ministrdiń birinshi orınbasarı institutta student-jaslar ushın qosımsha qolaylıqlar jaratıw maqsetinde qurılıp atırǵan sport kompleksi hám 500 orınlıq studentler turaq jayınıń qurılıs jumısları menen tanıstı.

Kózden ótkeriw barısında Shohrux Daliyev tiyisli juwapkerler, taraw qánigeleri hám qurılısshılar menen sáwbetlesip, qurılıs jumısların óz waqtında, sapalı etip pitkeriw boyınsha juwapkerlerge tiyisli tapsırmalar berdi.

NMPI baspasóz xızmeti.