Búgin, 10-iyul kúni Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın bakalavriattıń ayrıqsha qábilet talap etiletuǵın tálim baǵdarlarına ótkerilip atırǵan kásiplik (dóretiwshilik) imtixanlar belgilengen keste tiykarında dawam etpekte.

Atap aytqanda, dene mádeniyatı tálim baǵdarınıń qaraqalpaq toparına qabıllawda abiturientler 100 metr hám 1 000 metr aralıqqa juwırıw boyınsha óz imkaniyatların sınaqtan ótkergen bolsa, súwretlew óneri hám injenerlik grafikası tálim baǵdarınıń qaraqalpaq, ózbek toparları hám Ellikqala pedagogika fakultetine qabıllaw ushın abiturientler sızıw páninen imtixan tapsırdı.

Sonıń menen birge, muzıkalıq tálim baǵdarınıń qaraqalpaq toparına qabıllaw ushın saz atqarıwshılıǵı hám atqarıw sheberligi, muzıka teoriyası hám solfedjio pánlerinen imtixanlar bolıp ótpekte.

Esletip ótemiz, institutta kásiplik (dóretiwshilik) imtixanlar usı jıldıń 13-iyul kúnine shekem dawam etedi.

NMPI baspasóz xızmeti.