2024-2025-oqıw jılında ekinshi hám onnan keyingi joqarı bilimlendiriw (ekinshi qánigelik) ushın talabanlardı onlayn dizimnen ótkeriw Joqarı bilimlendiriw, ilim hám innovaciyalar ministrliginiń Birden-bir bilimlendiriw xızmetleri portalı my.edu.uz arqalı usı jıldıń 10-avgust kúnine shekem onlayn tárizde ámelge asırıladı.

Bunda talabanlar platformada:
– óziniń pasport maǵlıwmatları, FTJIN (fizikalıq táreptiń jeke identifikaciyalıq nomeri) maǵlıwmatı haqqındaǵı informaciyanı kirgizedi;
– diplom hám onıń qosımshasınıń elektron nusqasın júkleydi;
– hám oqıw niyetin bildirgen joqarı oqıw ornı menen tálim baǵdarın tańlaydı.

Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın ekinshi hám onnan keyingi joqarı bilimlendiriwge (ekinshi qánigelik) tómendegi tálim baǵdarları boyınsha onlayn hújjetler qabıllanbaqta.

Kúndizgi tálim baǵdarları:
1) Shet tili hám ádebiyatı: inglis tili;
2) Ózge tilli toparlarda rus tili.

Sırtqı tálim baǵdarları:
1) Mektepke shekemgi tálim;
2) Milliy ideya, ruwxıylıq tiykarları hám huqıq tálimi;
3) Pedagogika;
4) Tariyx.

Keshki tálim baǵdarları:
1) Biologiya;
2) Fizika hám astronomiya;
3) Geografiya hám ekonomikalıq bilim tiykarları;
4) Ximiya;
5) Matematika hám informatika;
6) Ana tili hám ádebiyatı: qaraqalpaq tili hám ádebiyatı;
7) Ózbek tili hám ádebiyatı.

Ekinshi hám onnan keyingi joqarı maǵlıwmat boyınsha oqıtıw tólemli kontrakt tiykarında ámelge asırıladı.

Maǵlıwmat ushın, ekinshi hám onnan keyingi joqarı maǵlıwmat alıw tártibi haqqında tómendegi silteme arqalı tolıq maǵlıwmat alıwıńız múmkin.

https://lex.uz/uz/docs/-5657199

NMPI baspasóz xızmeti.