Ájiniyaz atındaǵı Nókis mámleketlik pedagogikalıq institutı Súwretlew óneri hám texnologiyalıq tálim fakultetiniń pitkeriwshisi Ilhambek Tolıbaev «Kibermádeniyattı jetilistiriw aylıǵı» sheńberinde Qaraqalpaqstan Respublikası kóleminde «Stop, cybercrime!» atamasında ótkerilgen videorolikler tańlawında sıylı 2-orındı iyeledi.

Qaraqalpaq mámleketlik jas tamashagóyler teatrında tańlaw jeńimpazların sıylıqlaw máresimi bolıp ótti.

Onda Qaraqalpaqstan Respublikası Ministrler Keńesi Baslıǵınıń orınbasarı R.Nurazizov, Qaraqalpaqstan Respublikası Ishki isler ministri B.Tórebekov hám basqa juwapkerler qatnasıp, kibarqáwipsizlikti úgit-násiyatlaw baǵdarında ámelge asırılıp atırǵan jumıslardıń áhmiyeti haqqında aytıp ótti.

Ilaj sheńberinde hár túrli baǵdarlar boyınsha ótkerilgen tańlawda jeńimpaz bolǵan qatnasıwshılarǵa diplom hám qımbat bahalı sawǵalar tapsırıldı.

Sıylıqlaw máresimi kórkem óner sheberleri atqarıwındaǵı koncert baǵdarlaması menen dawam etti.

NMPI baspasóz xızmeti.