Ájiniyaz atındaǵı Nókis mámleketlik pedagogikalıq institutında student-jaslardıń huqıqıy sawatlılıq dárejesin arttırıw hám huqıqıy mádeniyattı úgit-násiyatlaw maqsetinde Ózbekstan Respublikası Joqarı bilimlendiriw, ilim hám innovaciyalar ministrliginiń tiyisli xatı tiykarında usı jıldıń 22-avgust kúni saat 10:00 de student-jaslar arasında «Huqıq bilimdanı» atamasındaǵı pán olimpiadası ótkeriletuǵınlıǵın xabarlaymız.

Pán olimpiadasında qatnasıwshılar huqıq tarawları – hákimshilik, puqaralıq hám shańaraqlıq huqıq boyınsha ulıwma 50 sorawdan ibarat test sorawlarına juwap beriw arqalı ózleriniń bilim hám kónlikpelerin kórsetip beriwi kerek.

Pán olimpiadası instituttıń Pedagogika fakulteti – 5-sanlı oqıw imaratında bolıp ótedi.

Jeńimpazlar hám sıylı orın iyeleri shólkemlestiriwshiler tárepinen sıylıqlanadı.

Qosımsha maǵlıwmatlardı instituttıń ziyrek studentlerdiń ilimiy-izertlew jumısların shólkemlestiriw bóliminiń tómendegi kórsetilgen telefon nomeri arqalı alıwıńız múmkin.

📞+998 91 387 87 44